الأغذية التى تقوى المناعة ضد فيروس كورونا

صوت مُحايد

معظم الناس دلوقتي متجهة ناحية الفيتامينات الطبية لرفع المناعة لمواجهة الفيروس
فاحنا جمعنالكم الفيتامينات الأساسية لرفع المناعة ومصدرها من الأكل اليومي وده أفضل كمان من الأقراص خصوصا للناس اللي ظهر عليهم أعراض مهم جدا :

١- الزنك .. موجود في:
- اللحمة حيث أن ١٠٠ جرام من اللحمة يحتوي على ٥ مليجرام من الزنك
- البقوليات وبالأخص العدس المطبوخ يحتوي ال ١٠٠ جرام من العدس على ١ ملليجرام من الزنك
يعني طبق عدس مطبوخ يوميا كاافي جدا
- البيض واللبن فيهم كمية زنك أقل ولكن ميزتهم إن الزنك اللي فيهم بيكون سهل جدا الجسم يمتصه

٢- فيتامينC .. موجود في:
- البرتقال والليمون حيث أن ال ١٠٠ جرام منهم يحتوي على ٥٣ ملليجرام من فيتامين سي
- الطماطم والفلفل الأخضر والأحمر والأصفر يحتوو علي كمية كبيرة من فيتامين سي
- الخضروات الورقية نفس الكلام
( يعني طبق سلطة على ليمونة معصورة كل يوم انت كدة اخدت جرعة فيتامين سي اليومية ليك )

٣-فيتامينD .. موجود في:
- سمك السلمون والتونة والسردين غني جدا بفيتامين د حيث أن ال ١٠٠ جرام منه يحتوى على حوالي ٦٠٠- ١٠٠٠ وحدة دولية من الفيتامين
- صفار البيض حيث أن بيضة واحدة تحتوى على ٤٠ وحدة دولية من فيتامين د

دي أهم مصادر الفيتامينات المهمة جدا الفترة دي واللي متاحة في كل بيت
اهتمو جدا بالأكل الصحي ليكم ولأولادكم لأن المناعة هي خط الدفاع الأول ضد الفيروس ف لازم ندعم المناعة كويس
خد بالك من نفسك ومن اللي بتحبهم اهم حاجة التغذية السليمة لتقوية المناعة 

حفظ الله مصر وشعبها من الوباء والبلاء