بقلم / صالح منصور
انت مين ؟
يالى روحت وخدت روحى معك
يالى شلت همى
شلت خبتى
شلت حتى لعبتى
انت مين ؟
يالى شفت بعينه سكتى
يالى عاش علشان محبتى
دة كان بيموت ويدارى
علشان تفضل ضحكتى
انت مين ؟
انت ابوي
ولا اخوي
ولا صحبى
دة انت كل دنيتى
بعد موتك
ماتت فرحتى
انتحرت ضحكتى
ضاع الامان في دنيتى
انت مين ؟
انت عمود الخيامه
انت البيت الكبير
انت الحصن الامين
انت كنزى في بنك السنين
انت دعوة لرب العالمين
انت سندى فى محنتى
انت نوري فى ظلمتى
انت نبضه تحيي قلبى
انت فرحه تملئ عينى
انت ابويا
انت اخويا
انت صحبى
انت سندى فى دنيتى
No comments:
Post a Comment